ଓଡ଼ିଶା ଯୁକ୍ତ ୩ ପ୍ରବେଶ: ପ୍ରଥମ ଚୟନ ମେରିଟ୍ ତାଲିକା ଆଜି ପ୍ରକାଶ ପାଇଛି

ଭୁବନେଶ୍ୱର: ( ସଠିକ୍ ନ୍ୟୁଜ୍ ବ୍ୟୁରୋ) ଓଡ଼ିଶା ଉଚ୍ଚଶିକ୍ଷା ବିଭାଗ ଆଜି ବା ଗୁରୁବାର ଶିକ୍ଷାବର୍ଷ ୨୦୨୫-୨୬ ପାଇଁ ଯୁକ୍ତ ୩ ପାଠ୍ୟକ୍ରମରେ ପ୍ରବେଶ ପ୍ରଥମ ଚୟନ ମେରିଟ୍ ତାଲିକା ପ୍ରକାଶ କରିଛି। ୨୦୨୫ ମସିହାର ବିଭିନ୍ନ ସ୍ନାତକ (ୟୁଜି) କାର୍ଯ୍ୟକ୍ରମରେ ପ୍ରବେଶ ପାଇଁ ମୋଟ ୨,୬୫,୫୯୦ ଜଣ ଛାତ୍ରଛାତ୍ରୀ ଆବେଦନ କରିଥିଲେ, ଯେଉଁଥିରୁ ପ୍ରଥମ ପର୍ଯ୍ୟାୟରେ ୧,୭୫,୭୨୨ ଜଣଙ୍କୁ ମନୋନୀତ କରାଯାଇଛି।ୟୁଜି ଡିଗ୍ରୀ ପାଠ୍ୟକ୍ରମର ପ୍ରଥମ ଚୟନର ପରିସଂଖ୍ୟାନ ରିପୋର୍ଟ ଅନୁଯାୟୀ, କଟକର ରେଭେନ୍ସା ବିଶ୍ୱବିଦ୍ୟାଳୟ କଳା, ବିଜ୍ଞାନ ଏବଂ ବାଣିଜ୍ୟ ବିଭାଗ ରେ ସର୍ବାଧିକ କଟ-ଅଫ୍ ମାର୍କ ତାଲିକାରେ ଶୀର୍ଷରେ ରହିଛି।”ଫ୍ରିଜ୍” ବିକଳ୍ପ ବାଛିଥିବା ମନୋନୀତ ଛାତ୍ରଛାତ୍ରୀମାନଙ୍କୁ ୧୩.୦୬.୨୦୨୫, ୧୬.୦୬.୨୦୨୫ ଏବଂ ୧୭.୦୬.୨୦୨୫ ରେ ସକାଳ ୧୦.୦୦ ରୁ ସନ୍ଧ୍ୟା ୫.୦୦ ପର୍ଯ୍ୟନ୍ତ ପ୍ରବେଶ ସମ୍ବନ୍ଧୀୟ ଆନୁଷ୍ଠାନିକତା ପୂରଣ କରିବା ପାଇଁ ମନୋନୀତ କଲେଜଗୁଡ଼ିକରେ ରିପୋର୍ଟ କରିବାକୁ ପଡିବ।